chehre ka aaftab dikhai na de to phir

chehre kā āftāb dikhā.ī na de to phir

niilī chhalaktī dhuup se āñkhoñ ko bhar leñ ham

aao mizāj-e-pursi-e-dīvār-o-dar kareñ

muddat se ham the qaid ab in kī ḳhabar leñ ham

chubhtī nahīñ haiñ dard kī be-ḳhvāb sūiyāñ

angāre ab jagāo to shāyad asar leñ ham

saare uluum ham kareñ finñār-vassqr

mā'sūmiyat kī raah meñ tīr-o-tabar leñ ham

jī chāhtā hai sīna-e-aflāk chiir kar

tūfān-e-abr-o-bād ko muTThī meñ bhar leñ ham

chehre ka aaftab dikhai na de to phir

nili chhalakti dhup se aankhon ko bhar len hum

aao mizaj-e-pursi-e-diwar-o-dar karen

muddat se hum the qaid ab in ki KHabar len hum

chubhti nahin hain dard ki be-KHwab suiyan

angare ab jagao to shayad asar len hum

sare ulum hum karen finnar-wassqr

ma'sumiyat ki rah mein tir-o-tabar len hum

ji chahta hai sina-e-aflak chir kar

tufan-e-abr-o-baad ko muTThi mein bhar len hum