chehre par ek aur bhi chehra lagaiye

chehre par ek aur bhī chehra lagā.iye

dil chāhe ro rahā ho magar muskurā.iye

aisā na ho ki apnī hī sūrat pe shak paḌe

itnā bhī aa.ine ko na muñh se lagā.iye

ho fāsla to aur bhī baḌh jaatī hai kashish

kuchh duur jā ke aur bhī nazdīk aa.iye

kāñToñ se mere phūloñ ko nisbat nahīñ koī

maiñ shāḳh-e-dil huuñ mujh se na dāman bachā.iye

mumkin jo ho sake to ufuq ban ke dosto

is āsmāñ ko aaj zamīñ se milā.iye

'jāved' apne aap ko samjheñge is tarah

ik musht-e-ḳhāk le ke havā meñ uḌā.iye

chehre par ek aur bhi chehra lagaiye

dil chahe ro raha ho magar muskuraiye

aisa na ho ki apni hi surat pe shak paDe

itna bhi aaine ko na munh se lagaiye

ho fasla to aur bhi baDh jati hai kashish

kuchh dur ja ke aur bhi nazdik aaiye

kanTon se mere phulon ko nisbat nahin koi

main shaKH-e-dil hun mujh se na daman bachaiye

mumkin jo ho sake to ufuq ban ke dosto

is aasman ko aaj zamin se milaiye

'jawed' apne aap ko samjhenge is tarah

ek musht-e-KHak le ke hawa mein uDaiye