chehre par ek chehra lagana sikh liya

chehre par ik chehrā lagānā siikh liyā

āḳhir ham ne taur-e-zamānā siikh liyā

kab tak tujh ko zahmat ho katrāne kī

ham ne bhī ab aañkh churānā siikh liyā

haa.e tum to dil se milne vaale the

tum ne kab se haath milānā siikh liyā

zikr to us kā ab bhī hotā hai lekin

baat pe ham ne baat banānā siikh liyā

dekho laḌkī Thiik nahīñ kam-umrī meñ

ye jo tum ne aañkh laḌānā siikh liyā

kaun yahāñ par aisā jis ne vaqt milā to

ham se behtar vaqt gañvānā siikh liyā

ham bhī ab kuchh narm tabī.at vaale haiñ

bachchoñ ne bhī haath uThānā siikh liyā

chehre par ek chehra lagana sikh liya

aaKHir hum ne taur-e-zamana sikh liya

kab tak tujh ko zahmat ho katrane ki

hum ne bhi ab aankh churana sikh liya

hae tum to dil se milne wale the

tum ne kab se hath milana sikh liya

zikr to us ka ab bhi hota hai lekin

baat pe hum ne baat banana sikh liya

dekho laDki Thik nahin kam-umri mein

ye jo tum ne aankh laDana sikh liya

kaun yahan par aisa jis ne waqt mila to

hum se behtar waqt ganwana sikh liya

hum bhi ab kuchh narm tabiat wale hain

bachchon ne bhi hath uThana sikh liya