chehre pe koi rang shikayat ka nahin tha
chehre pe koī rañg shikāyat kā nahīñ thā
lekin vo tabassum hī mohabbat kā nahīñ thā
chhoḌā bhī mujhe aur bahut ḳhush bhī rahe ho
afsos ke maiñ aap kī aadat kā nahīñ thā
vaqtoñ ke siyāh rañg se zarroñ pe likhā hai
duniyā meñ koī daur sharāfat kā nahīñ thā
ab sar ko paTakne se koī faiz nahīñ hai
marne kā taqāza thā vo hijrat kā nahīñ thā
darbār bhī thā sāhab-e-kirdār bhī lekin
adnā sā koī jazb-e-saḳhāvat kā nahīñ thā
chehre pe koi rang shikayat ka nahin tha
lekin wo tabassum hi mohabbat ka nahin tha
chhoDa bhi mujhe aur bahut KHush bhi rahe ho
afsos ke main aap ki aadat ka nahin tha
waqton ke siyah rang se zarron pe likha hai
duniya mein koi daur sharafat ka nahin tha
ab sar ko paTakne se koi faiz nahin hai
marne ka taqaza tha wo hijrat ka nahin tha
darbar bhi tha sahab-e-kirdar bhi lekin
adna sa koi jazb-e-saKHawat ka nahin tha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
