chehre pe na ye naqab dekha
chehre pe na ye naqāb dekhā
parde meñ thā āftāb dekhā
kyuuñ kar na bikūñ maiñ haath us ke
yūsuf kī tarah maiñ ḳhvāb dekhā
kuchh maiñ hī nahīñ huuñ, ek aalam
us ke liye yaañ ḳharāb dekhā
dil tū ne abas likhā thā naama
jo un ne diyā javāb dekhā
be-jurm o gunāh qatl-e-āshiq
maz.hab meñ tire savāb dekhā
kuchh hove to ho adam meñ rāhat
hastī meñ to ham azaab dekhā
jis chashm ne mujh taraf nazar kī
us chashm ko maiñ pur-āb dekhā
hairān vo tere ishq meñ hai
yaañ ham ne jo shaiḳh o shaab dekhā
bhūlā hai vo dil se lutf us kā
'saudā' ne ye jab itaab dekhā
chehre pe na ye naqab dekha
parde mein tha aaftab dekha
kyun kar na bikun main hath us ke
yusuf ki tarah main KHwab dekha
kuchh main hi nahin hun, ek aalam
us ke liye yan KHarab dekha
dil tu ne abas likha tha nama
jo un ne diya jawab dekha
be-jurm o gunah qatl-e-ashiq
mazhab mein tere sawab dekha
kuchh howe to ho adam mein rahat
hasti mein to hum azab dekha
jis chashm ne mujh taraf nazar ki
us chashm ko main pur-ab dekha
hairan wo tere ishq mein hai
yan hum ne jo shaiKH o shab dekha
bhula hai wo dil se lutf us ka
'sauda' ne ye jab itab dekha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
