chehron pe likha hai koi apna nahin milta
chehroñ pe likhā hai koī apnā nahīñ miltā
kyā shahr hai ik shaḳhs bhī jhūTā nahīñ miltā
chāhat kī qabā meñ to badan aur jaleñge
sahrā ke shajar se koī dariyā nahīñ miltā
maiñ jaan gayā huuñ tirī ḳhushbū kī raqābat
tū mujh se mile to ġham-e-duniyā nahīñ miltā
zulf-o-lab-o-ruḳhsār ke aazar to bahut haiñ
TuuTe hue ḳhvāboñ kā masīhā nahīñ miltā
maiñ apne ḳhayāloñ kī thakan kaise utārūñ
rañgoñ meñ koī rañg bhī gahrā nahīñ miltā
Duube hue sūraj ko samundar se nikālo
sāhil ko jalāne se ujālā nahīñ miltā
chehron pe likha hai koi apna nahin milta
kya shahr hai ek shaKHs bhi jhuTa nahin milta
chahat ki qaba mein to badan aur jalenge
sahra ke shajar se koi dariya nahin milta
main jaan gaya hun teri KHushbu ki raqabat
tu mujh se mile to gham-e-duniya nahin milta
zulf-o-lab-o-ruKHsar ke aazar to bahut hain
TuTe hue KHwabon ka masiha nahin milta
main apne KHayalon ki thakan kaise utarun
rangon mein koi rang bhi gahra nahin milta
Dube hue suraj ko samundar se nikalo
sahil ko jalane se ujala nahin milta
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
