chhanTi ke chaar log hain jin se kalam hai

chhāñTī ke chaar log haiñ jin se kalām hai

baaqī hasad-zadoñ ko namaste salām hai

jā buzdilā hameñ na dikhā dostoñ ke zaḳhm

ham vo faqīr haiñ jinheñ ġhībat harām hai

aañsū bhī ek dasht kī bai'at ko aa.e haiñ

vo dasht jis ke sabr kā dariyā ġhulām hai

al-qissa muḳhtasar ki mujhe niiñd aa ga.ī

mazdūr kā visāl abhī nā-tamām hai

achchhe nasab ke dushmanoñ kī ḳhair māñgiye

kāñTe na hoñ to phuul kā bhī kyā maqām hai

maiñ bhī ḳhudā se terī shikāyat lagā.ūñgā

aur ye ġharīb aadmī kā intiqām hai

miTTī jane charāġh hasad meñ hī jal mare

sūraj ko aaj raat bhī jugnū se kaam hai

chhanTi ke chaar log hain jin se kalam hai

baqi hasad-zadon ko namaste salam hai

ja buzdila hamein na dikha doston ke zaKHm

hum wo faqir hain jinhen ghibat haram hai

aansu bhi ek dasht ki bai'at ko aae hain

wo dasht jis ke sabr ka dariya ghulam hai

al-qissa muKHtasar ki mujhe nind aa gai

mazdur ka visal abhi na-tamam hai

achchhe nasab ke dushmanon ki KHair mangiye

kanTe na hon to phul ka bhi kya maqam hai

main bhi KHuda se teri shikayat lagaunga

aur ye gharib aadmi ka intiqam hai

miTTi jane charagh hasad mein hi jal mare

suraj ko aaj raat bhi jugnu se kaam hai