chhanw ko takte dhup mein chalte ek zamana bit gaya
chhanw ko takte dhup mein chalte ek zamana bit gaya
Faza Ibn e Faizi
MORE BYFaza Ibn e Faizi
chhāñv ko takte dhuup meñ chalte ek zamāna biit gayā
hasratoñ kī āġhosh meñ palte ek zamāna biit gayā
aaj bhī haiñ vo sulge sulge tere lab o aariz kī tarah
jin zaḳhmoñ par pañkhā jhalte ek zamāna biit gayā
maiñ ab apnā jism nahīñ huuñ sirf tumhārā saaya huuñ
mausam kī ye barf pighalte ek zamāna biit gayā
ab tak apne haath na aayā surma.ī chhāñv kā dāman bhī
chāñdī jaisī dhuup meñ jalte ek zamāna biit gayā
vaqt madārī hai kyā jaane khel apnā kab ḳhatm kare
sāñsoñ kī is Dor pe chalte ek zamāna biit gayā
zindagī aur lamhoñ kā ta.āqub jin kā koī or na chhor
sadiyoñ sadiyoñ moḌ badalte ek zamāna biit gayā
ab bhī tirī mehrāb-e-suḳhan meñ sham.eñ sī raushan haiñ 'fazā'
sūraj ko ye aag ugalte ek zamāna biit gayā
chhanw ko takte dhup mein chalte ek zamana bit gaya
hasraton ki aaghosh mein palte ek zamana bit gaya
aaj bhi hain wo sulge sulge tere lab o aariz ki tarah
jin zaKHmon par pankha jhalte ek zamana bit gaya
main ab apna jism nahin hun sirf tumhaara saya hun
mausam ki ye barf pighalte ek zamana bit gaya
ab tak apne hath na aaya surmai chhanw ka daman bhi
chandi jaisi dhup mein jalte ek zamana bit gaya
waqt madari hai kya jaane khel apna kab KHatm kare
sanson ki is Dor pe chalte ek zamana bit gaya
zindagi aur lamhon ka taaqub jin ka koi or na chhor
sadiyon sadiyon moD badalte ek zamana bit gaya
ab bhi teri mehrab-e-suKHan mein shamen si raushan hain 'faza'
suraj ko ye aag ugalte ek zamana bit gaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
