chhalakti aae ki apni talab se bhi kam aae

chhalaktī aa.e ki apnī talab se bhī kam aa.e

hamāre sāmne saaqī ba-sāġhar-e-jam aa.e

faroġh-e-ātish-e-gul hī chaman kī ThanDak hai

sulagtī chīḳhtī rātoñ ko bhī to shabnam aa.e

bas ek ham hī liye jaa.eñ dars-e-ijz-o-niyāz

kabhī to akḌī huī gardanoñ meñ bhī ḳham aa.e

jo kārvāñ meñ rahe mīr-e-kārvāñ ke qarīb

na jaane kyuuñ vo palaT aa.e aur barham aa.e

nigār-e-sub.h se pūchheñge shab guzarne do

kī zulmatoñ se ulajh kar vo aa.ī yā ham aa.e

ajiib baat hai kīchaḌ meñ lahlahā.e kañval

phaTe purāne se jismoñ pe saj ke resham aa.e

masīh kaun bane saare haath ālūda

lahūluhān hai dhartī kahāñ se marham aa.e

chhalakti aae ki apni talab se bhi kam aae

hamare samne saqi ba-saghar-e-jam aae

farogh-e-atish-e-gul hi chaman ki ThanDak hai

sulagti chiKHti raaton ko bhi to shabnam aae

bas ek hum hi liye jaen dars-e-ijz-o-niyaz

kabhi to akDi hui gardanon mein bhi KHam aae

jo karwan mein rahe mir-e-karwan ke qarib

na jaane kyun wo palaT aae aur barham aae

nigar-e-subh se puchhenge shab guzarne do

ki zulmaton se ulajh kar wo aai ya hum aae

ajib baat hai kichaD mein lahlahae kanwal

phaTe purane se jismon pe saj ke resham aae

masih kaun bane sare hath aaluda

lahuluhan hai dharti kahan se marham aae