chhalke nahin sadiyon se ye palkon ke kaTore
chhalke nahīñ sadiyoñ se ye palkoñ ke kaTore
muddat se haiñ ḳhālī mirī āñkhoñ ke kaTore
ehsās kī ik chīḳh se ho jaate haiñ TukḌe
miTTī ke khilaune haiñ ki jazboñ ke kaTore
aa jaa.e mujhe niiñd kā jhoñkā bhī kisī din
bhar jaa.eñ kisī raat ye ḳhvāboñ ke kaTore
ye phuul haiñ yā phuul sī dulhan kā hasīñ ruḳh
ye os kī būñdeñ haiñ ki hīroñ ke kaTore
ik umr se chamke nahīñ ākāsh pe taare
suune haiñ bahut saal se rātoñ ke kaTore
chhalke nahin sadiyon se ye palkon ke kaTore
muddat se hain KHali meri aankhon ke kaTore
ehsas ki ek chiKH se ho jate hain TukDe
miTTi ke khilaune hain ki jazbon ke kaTore
aa jae mujhe nind ka jhonka bhi kisi din
bhar jaen kisi raat ye KHwabon ke kaTore
ye phul hain ya phul si dulhan ka hasin ruKH
ye os ki bunden hain ki hiron ke kaTore
ek umr se chamke nahin aakash pe tare
sune hain bahut sal se raaton ke kaTore
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
