چھت کی فصیل پر سے یہ بچہ اتر گیا

چھت کی فصیل پر سے یہ بچہ اتر گیا

دل سے تمہارے عشق کا نشہ اتر گیا

میری طرف چلا تھا جو ترچھی نگاہ سے

وہ تیر میرے سینہ میں سیدھا اتر گیا

آنکھوں پہ اس نے ایک دفعہ ہاتھ کیا رکھے

مجھ کو لگا ہوا تھا جو چشمہ اتر گیا

میرے بغیر تو نے گزاری ہے زندگی

کیسے ترے گلے سے یہ لقمہ اتر گیا

نیت سے ڈانٹنے کی ہی میں تو گیا تھا پر

مسکان اس کی دیکھ کے غصہ اتر گیا

وہ آج مجھ کو دیکھ کے کیا مسکرا دئے

محفل میں ایک ایک کا چہرہ اتر گیا