chhe dinon daftar si duniya chand ye itwar log

chhe dinoñ daftar sī duniyā chand ye itvār log

shā'irī hai chaa.e bhī hai aur kuchh dildār log

aap ham se pūchhte haiñ kyā kamāyā aap ne

zindagī bhar kī kamā.ī haiñ yahī do chaar log

jang khul kar ho rahī hai aur us par faḳhr bhī

aaj bhī chhup-chhup ke lekin kar rahe haiñ pyaar log

ham shikāyat kar raheñ haiñ ye jahāñ bekār hai

haiñ nahīñ sach pūchhiye to is ke bhī haqdār log

saath achchhe dost hoñ to jhel leñge dard bhī

ban ga.e par dost mere ek do makkār log

jo kabhī rasta huā karte the sab ke vāste

chand logoñ ke sabab se ho ga.e dīvār log

ham to ḳhud duniyā kī bastī ke satā.e log haiñ

kyā kisī kā dil dukhā.eñge re ham fankār log

maiñ likhā kartā thā pahle sirf apne vāste

ek jaise ġham the to sunñe lage ash'ār log

chhe dinon daftar si duniya chand ye itwar log

sha'iri hai chae bhi hai aur kuchh dildar log

aap hum se puchhte hain kya kamaya aap ne

zindagi bhar ki kamai hain yahi do chaar log

jang khul kar ho rahi hai aur us par faKHr bhi

aaj bhi chhup-chhup ke lekin kar rahe hain pyar log

hum shikayat kar rahen hain ye jahan bekar hai

hain nahin sach puchhiye to is ke bhi haqdar log

sath achchhe dost hon to jhel lenge dard bhi

ban gae par dost mere ek do makkar log

jo kabhi rasta hua karte the sab ke waste

chand logon ke sabab se ho gae diwar log

hum to KHud duniya ki basti ke satae log hain

kya kisi ka dil dukhaenge re hum fankar log

main likha karta tha pahle sirf apne waste

ek jaise gham the to sunne lage ash'ar log