chheDiye saz-e-zindagi naghma-nawaz ho na ho

chheḌiye sāz-e-zindagī naġhma-navāz ho na ho

aah to kar ke dekhiye soz meñ saaz ho na ho

dekhiye qābil-e-qubull apnī namāz ho na ho

sajda to kar jabīn-e-shauq dar-gah-e-nāz ho na ho

pīr-e-muġhāñ ke naam par saaqī har ik ko mast kar

aaj ke baad saal bhar mai-kadā-bāz ho na ho

zabt-e-ġham vufūr-e-shauq aur dil-e-nā-subūr-e-ishq

mujh ko to hai ġhurūr-e-ishq aap ko naaz ho na ho

mast fazā bahār mast mast 'hayāt' yaar mast

mast ho baar baar mast hukm-e-javāz ho na ho

chheDiye saz-e-zindagi naghma-nawaz ho na ho

aah to kar ke dekhiye soz mein saz ho na ho

dekhiye qabil-e-qubull apni namaz ho na ho

sajda to kar jabin-e-shauq dar-gah-e-naz ho na ho

pir-e-mughan ke nam par saqi har ek ko mast kar

aaj ke baad sal bhar mai-kada-baz ho na ho

zabt-e-gham wufur-e-shauq aur dil-e-na-subur-e-ishq

mujh ko to hai ghurur-e-ishq aap ko naz ho na ho

mast faza bahaar mast mast 'hayat' yar mast

mast ho bar bar mast hukm-e-jawaz ho na ho