chhin gai teri tamanna bhi tamannai se

chhin ga.ī terī tamannā bhī tamannā.ī se

dil bahalte haiñ kahīñ hausla-afzā.ī se

kaisā raushan thā tirā niind meñ Duubā chehra

jaise ubhrā ho kisī ḳhvāb kī gahrā.ī se

vahī āshufta-mizājī vahī ḳhushiyāñ vahī ġham

ishq kā kaam liyā ham ne shanāsā.ī se

na kabhī aañkh bhar aa.ī na tirā naam liyā

bach ke chalte rahe har kūcha-e-rusvā.ī se

hijr ke dam se salāmat hai tire vasl kī aas

tar-o-tāza hai ḳhushī ġham kī tavānā.ī se

khil ke murjhā bhī ga.e fasl-e-mulāqāt ke phuul

ham hī fāriġh na hue mausam-e-tanhā.ī se

chhin gai teri tamanna bhi tamannai se

dil bahalte hain kahin hausla-afzai se

kaisa raushan tha tera nind mein Duba chehra

jaise ubhra ho kisi KHwab ki gahrai se

wahi aashufta-mizaji wahi KHushiyan wahi gham

ishq ka kaam liya hum ne shanasai se

na kabhi aankh bhar aai na tera nam liya

bach ke chalte rahe har kucha-e-ruswai se

hijr ke dam se salamat hai tere wasl ki aas

tar-o-taza hai KHushi gham ki tawanai se

khil ke murjha bhi gae fasl-e-mulaqat ke phul

hum hi farigh na hue mausam-e-tanhai se