chhoDen ana ko hum to teri justuju karen
chhoḌeñ anā ko ham to tirī justujū kareñ
paḌhnī hai gar namāz to pahle vuzū kareñ
karne ko dil kī baat kareñ sab se ham magar
vo dil kahāñ se laa.eñ tire rū-ba-rū kareñ
milne kā lutf jab hai ki vo hoñ hamīñ meñ gum
karne ko ham talāsh unheñ kū-ba-kū kareñ
kyoñ us jafā-shi.ār se chheḌeñ vafā kī baat
kyoñ zikr tishnagī kā lab-e-ābjū kareñ
aisoñ se hoshyār raheñ 'qādir' aap bhī
jo tum banā.eñ aap ko aur tum ko tū kareñ
chhoDen ana ko hum to teri justuju karen
paDhni hai gar namaz to pahle wuzu karen
karne ko dil ki baat karen sab se hum magar
wo dil kahan se laen tere ru-ba-ru karen
milne ka lutf jab hai ki wo hon hamin mein gum
karne ko hum talash unhen ku-ba-ku karen
kyon us jafa-shiar se chheDen wafa ki baat
kyon zikr tishnagi ka lab-e-abju karen
aison se hoshyar rahen 'qadir' aap bhi
jo tum banaen aap ko aur tum ko tu karen
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
