chhoDiye aap ka is baat se kya lena hai

chhoḌiye aap kā is baat se kyā lenā hai

ik barahman ko musāvāt se kyā lenā hai

ḳhaak ko ḳhaak kā paivand lagegā aur bas

ham ko is arz-o-samāvāt se kyā lenā hai

aap to soch ke aa.e the yahāñ kyā hogā

aap ko yuuñ bhī mazāfāt se kyā lenā hai

aag kī surḳh lipaT ne mujhe pāgal rakkhā

ḳhuun kī lahr ko is ghaat se kyā lenā hai

zaḳhm par haath rakheñ aur ravāna ho leñ

is añdhere meñ munājāt se kyā lenā hai

chhoDiye aap ka is baat se kya lena hai

ek barahman ko musawat se kya lena hai

KHak ko KHak ka paiwand lagega aur bas

hum ko is arz-o-samawat se kya lena hai

aap to soch ke aae the yahan kya hoga

aap ko yun bhi mazafat se kya lena hai

aag ki surKH lipaT ne mujhe pagal rakkha

KHun ki lahr ko is ghat se kya lena hai

zaKHm par hath rakhen aur rawana ho len

is andhere mein munajat se kya lena hai