chhoDta mujhko na bismil wo magar chhoD diya

chhoḌtā mujh ko na bismil vo magar chhoḌ diyā

sar pe ehsān rahe is liye sar chhoḌ diyā

TukḌe TukḌe kiyā nāseh kā garebāñ maiñ ne

shukr hai us ne mirā dāman-e-tar chhoḌ diyā

kaam sab ḳhāna-ḳharābī ke hue haiñ tujh se

rahm khā kar tujhe ai dīda-e-tar chhoḌ diyā

phir kahāñ thā na yahāñ thā na vahāñ thā vo shoḳh

dāman us kā jo sar-e-rāhguzar chhoḌ diyā

le ga.ī thī tire dīvāne ko ghar se vahshat

nahīñ mā'lūm ki jangal meñ kidhar chhoḌ diyā

'dāġh'-e-vārafta-tabī.at kā Thikāna kyā hai

ḳhāna-barbād ne muddat huī ghar chhoḌ diyā

chhoDta mujh ko na bismil wo magar chhoD diya

sar pe ehsan rahe is liye sar chhoD diya

TukDe TukDe kiya naseh ka gareban main ne

shukr hai us ne mera daman-e-tar chhoD diya

kaam sab KHana-KHarabi ke hue hain tujh se

rahm kha kar tujhe ai dida-e-tar chhoD diya

phir kahan tha na yahan tha na wahan tha wo shoKH

daman us ka jo sar-e-rahguzar chhoD diya

le gai thi tere diwane ko ghar se wahshat

nahin ma'lum ki jangal mein kidhar chhoD diya

'dagh'-e-warafta-tabiat ka Thikana kya hai

KHana-barbaad ne muddat hui ghar chhoD diya