چھوٹے سے گھروندوں سے کبھی گھر نہیں بنتے

چھوٹے سے گھروندوں سے کبھی گھر نہیں بنتے

کچھ اوس کی بوندوں سے سمندر نہیں بنتے

اس سوچ کو تحریر کے پھولوں سے سجا دیں

لفظوں کی سجاوٹ سے سخنور نہیں بنتے

یادوں کی تجوری میں جو محفوظ نہیں ہیں

وہ کچھ بھی بنیں پیار کے زیور نہیں بنتے

ہم تم سے ملیں گے بھی تو خاموش رہیں گے

اک طرفہ سوالات سے منظر نہیں بنتے

خوش فہمی کی دیوار گرا دیجئے اب تو

چادر کے بنا کیسے بھی بستر نہیں بنتے

بے کار اصولوں کی قواعد میں پھنسے ہیں

بندش میں تو انسان بھی بہتر نہیں بنتے