chhup kar roya ja sakta hai

chhup kar royā jā saktā hai

dil bahlāyā jā saktā hai

ādam-zāde ishq kī rah meñ

kaam bhī aayā jā saktā hai

din ko grahan lag saktā hai

dhuup meñ saaya jā saktā hai

izzat milnā mushkil hai par

naam kamāyā jā saktā hai

namak-harāmī mādda hai jo

ḳhuun meñ paayā jā saktā hai

aañsū paanī hai par is se

shahr jalāyā jā saktā hai

ġhurbat meñ gar bhuuk lage to

patthar khāyā jā saktā hai

pyāse lashkar ke paanī meñ

zahr milāyā jā saktā hai

vaise milnā nā-mumkin hai

ḳhvāb meñ aayā jā saktā hai

is bastī meñ chup rah kar bhī

shor machāyā jā saktā hai

ḳhud se tere chheḌ ke qisse

jī lalchāyā jā saktā hai

tere ek ishāre par bhī

'sahar' manāyā jā saktā hai

chhup kar roya ja sakta hai

dil bahlaya ja sakta hai

aadam-zade ishq ki rah mein

kaam bhi aaya ja sakta hai

din ko grahan lag sakta hai

dhup mein saya ja sakta hai

izzat milna mushkil hai par

nam kamaya ja sakta hai

namak-harami madda hai jo

KHun mein paya ja sakta hai

aansu pani hai par is se

shahr jalaya ja sakta hai

ghurbat mein gar bhuk lage to

patthar khaya ja sakta hai

pyase lashkar ke pani mein

zahr milaya ja sakta hai

waise milna na-mumkin hai

KHwab mein aaya ja sakta hai

is basti mein chup rah kar bhi

shor machaya ja sakta hai

KHud se tere chheD ke qisse

ji lalchaya ja sakta hai

tere ek ishaare par bhi

'sahar' manaya ja sakta hai