چھپا رہا ہوں جو آنکھوں کا نم ضروری ہے

چھپا رہا ہوں جو آنکھوں کا نم ضروری ہے

کہیں کہیں پہ کسی کا بھرم ضروری ہے

ابھی ابھی تو محبت نے ہاتھ چھوڑا ہے

کسی کا ساتھ قدم دو قدم ضروری ہے

کسی کا ہاتھ ہو سر پر ذرا پتہ تو چلے

کچھ اور ہو نہ ہو گھر پر علم ضروری ہے

لبوں پہ جان ہے آیات عشق ورد کریں

کہ ایسے لمحوں میں مرشد یہ دم ضروری ہے

برائے یار تو ہم سادگی کے پیکر ہیں

برائے دنیا طبیعت میں خم ضروری ہے

نہیں مگر کوئی شہبازؔ زندگی کے لیے

جسے بھی مان لے دل محترم ضروری ہے