chhupe hue the jo dil mein wo Dar purane the

chhupe hue the jo dil meñ vo Dar purāne the

ki rāste the na.e ham-safar purāne the

maiñ uḌ rahā thā fazā meñ ik ehtiyāt ke saath

mujhe ḳhabar thī mire bāl-o-par purāne the

tamām-shahr na.ī raushnī meñ thā malbūs

magar gharoñ ke sabhī bām-o-dar purāne the

mujhe talāsh hamesha na.e charāġhoñ kī thī

ki āsmānoñ ke shams-o-qamar purāne the

thī jin kī lau se dayār-e-suḳhan meñ tābānī

vo taaq taaq charāġh-e-hunar purāne the

chhupe hue the jo dil mein wo Dar purane the

ki raste the nae ham-safar purane the

main uD raha tha faza mein ek ehtiyat ke sath

mujhe KHabar thi mere baal-o-par purane the

tamam-shahr nai raushni mein tha malbus

magar gharon ke sabhi baam-o-dar purane the

mujhe talash hamesha nae charaghon ki thi

ki aasmanon ke shams-o-qamar purane the

thi jin ki lau se dayar-e-suKHan mein tabani

wo taq taq charagh-e-hunar purane the