چھو کے گزرا مجھے زمانہ سا
چھو کے گزرا مجھے زمانہ سا
پیرہن ہو گیا پرانا سا
اک پرانا سا ربط ہے اس سے
اک تعلق ہے غائبانہ سا
ایک قطرہ صدف میں کیا اترا
کھل گیا ایک کارخانہ سا
دل کی ٹوٹی فصیل میں اب بھی
ایک در وا ہے عارفانہ سا
اب بھی اس کی گلی میں مڑتا ہے
دل سے اک راستہ پرانا سا
تھی نظر اس پہ دشمنوں جیسی
عشق جس سے تھا والہانہ سا
خامشی گھر کی ڈر ہی ہے شہابؔ
دور اک شور ہے سہانا سا
مأخذ :
- کتاب : safar aamada (Pg. 36)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
