چلمن اٹھا کے شب بھی دیکھے گی اب سویرا

چلمن اٹھا کے شب بھی دیکھے گی اب سویرا

وہ صبح بن رہی ہے کرنوں کا اک بسیرا

ظلمت کی وادیوں میں انجان راستوں پر

سورج وہ ڈھونڈ لے گا جس کو ملا اندھیرا

وہ خود ہی آ گئے ہیں تقدیر کو سجانے

تاروں کو راستے میں ہم نے نہیں بکھیرا

خاموشیوں میں دھڑکن لکھتی ہے اک ترانہ

لگتا ہے اب سہانا تنہائیوں کا ڈیرا

سو بار گر چکی ہے نفرت کی برق اس پر

اک بار بھی نہ ٹوٹا یہ الفتوں کا گھیرا

اے راگؔ زندگی کی لکھنی جو داستاں ہو

لکھنا کتاب میں تم روشن کوئی سویرا