chilman uTha ke shab bhi dekhegi ab sawera

chilman uThā ke shab bhī dekhegī ab saverā

vo sub.h ban rahī hai kirnoñ kā ik baserā

zulmat kī vādiyoñ meñ anjān rāstoñ par

sūraj vo DhūñD legā jis ko milā añdherā

vo ḳhud hī aa ga.e haiñ taqdīr ko sajāne

tāroñ ko rāste meñ ham ne nahīñ bikherā

ḳhāmoshiyoñ meñ dhaḌkan likhtī hai ik tarāna

lagtā hai ab suhānā tanhā.iyoñ kā Derā

sau baar gir chukī hai nafrat kī barq is par

ik baar bhī na TuuTā ye ulfatoñ kā gherā

ai 'rāg' zindagī kī likhnī jo dāstāñ ho

likhnā kitāb meñ tum raushan koī saverā

chilman uTha ke shab bhi dekhegi ab sawera

wo subh ban rahi hai kirnon ka ek basera

zulmat ki wadiyon mein anjaan raston par

suraj wo DhunD lega jis ko mila andhera

wo KHud hi aa gae hain taqdir ko sajaane

taron ko raste mein hum ne nahin bikhera

KHamoshiyon mein dhaDkan likhti hai ek tarana

lagta hai ab suhana tanhaiyon ka Dera

sau bar gir chuki hai nafrat ki barq is par

ek bar bhi na TuTa ye ulfaton ka ghera

ai 'rag' zindagi ki likhni jo dastan ho

likhna kitab mein tum raushan koi sawera