chor darwaza yan ke hum bhi hain

chor darvāza yaañ ke ham bhī haiñ

in ko rauzan se jhāñke ham bhī haiñ

jo adam ko vajūd se haiñ ga.e

gard us kārvāñ ke ham bhī haiñ

faash parda karo na kushtoñ kā

naza.a meñ muñh ko Dhāñke ham bhī haiñ

ishq chhoTā banā chukā varna

ik baḌe ḳhāndāñ ke ham bhī haiñ

tirchhī nazroñ ko sīdhā rakheñ aap

varna ik TeḌhe bāñke ham bhī haiñ

hai zamīñ kā satāyā qais agar

zaḳhm-chīñ āsmāñ ke ham bhī haiñ

naqsh baiThā uThegā kis se 'vaqār'

sañg-bos āstāñ ke ham bhī haiñ

chor darwaza yan ke hum bhi hain

in ko rauzan se jhanke hum bhi hain

jo adam ko wajud se hain gae

gard us karwan ke hum bhi hain

fash parda karo na kushton ka

naza mein munh ko Dhanke hum bhi hain

ishq chhoTa bana chuka warna

ek baDe KHandan ke hum bhi hain

tirchhi nazron ko sidha rakhen aap

warna ek TeDhe banke hum bhi hain

hai zamin ka sataya qais agar

zaKHm-chin aasman ke hum bhi hain

naqsh baiTha uThega kis se 'waqar'

sang-bos aastan ke hum bhi hain