choT lag jae bhi to dard nahin hota mujhe

choT lag jaa.e bhī to dard nahīñ hotā mujhe

dil agar TuuT bhī jaa.e to koī baat nahīñ

hai baḌā kufr jo sochūñ maiñ koī us ke sivā

vo bhaTak jaa.e bahak jaa.e koī baat nahīñ

zāt-e-nisvāñ ko hī bas sabr kā dam bharnā hai

be-sabab zulm vo Dhaa.e to koī baat nahīñ

ghar se be-parda jo niklūñ to maiñ mujrim Thahrūñ

taar taar aañkh se kar de vo koī baat nahīñ

Dolī uTh jaa.e to aanā hai janāza ban kar

maut se pahle hī maut aa.e koī baat nahīñ

choT lag jae bhi to dard nahin hota mujhe

dil agar TuT bhi jae to koi baat nahin

hai baDa kufr jo sochun main koi us ke siwa

wo bhaTak jae bahak jae koi baat nahin

zat-e-niswan ko hi bas sabr ka dam bharna hai

be-sabab zulm wo Dhae to koi baat nahin

ghar se be-parda jo niklun to main mujrim Thahrun

tar tar aankh se kar de wo koi baat nahin

Doli uTh jae to aana hai janaza ban kar

maut se pahle hi maut aae koi baat nahin