choT nai hai lekin zaKHm purana hai
choT na.ī hai lekin zaḳhm purānā hai
ye chehra kitnā jānā-pahchānā hai
saarī bastī chup kī dhund meñ Duubī hai
jis ne lab khole haiñ vo dīvānā hai
aao us suqrāt kā istiqbāl kareñ
jis ne zahr ke ghūñT ko amrit jaanā hai
ik ik kar ke sab panchhī dam toḌ ga.e
bharī bahār meñ bhī gulshan vīrāna hai
apnā paḌāv dasht-e-vafā be-āb-o-giyāh
tum ko to do chaar qadam hī jaanā hai
kal tak chāhat ke āñchal meñ lipTā thā
aaj vo lamha ḳhvāb hai yā afsānā hai
choT nai hai lekin zaKHm purana hai
ye chehra kitna jaana-pahchana hai
sari basti chup ki dhund mein Dubi hai
jis ne lab khole hain wo diwana hai
aao us suqraat ka istiqbaal karen
jis ne zahr ke ghunT ko amrit jaana hai
ek ek kar ke sab panchhi dam toD gae
bhari bahaar mein bhi gulshan virana hai
apna paDaw dasht-e-wafa be-ab-o-giyah
tum ko to do chaar qadam hi jaana hai
kal tak chahat ke aanchal mein lipTa tha
aaj wo lamha KHwab hai ya afsana hai
- Book : Karwaan-e-Ghazal (Pg. 509)
- Author : Farooq Argali
- Publication : Farid Book Depot (Pvt.) Ltd (2004)
- Edition : 2004
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
