choT phulon ki chhaDi se bhi na kyon dil par lage

choT phūloñ kī chhaḌī se bhī na kyoñ dil par lage

shahr meñ har aadmī jab dard kā paikar lage

kār-gāh-e-zindagī goyā hai dasht-e-karbalā

rāste meñ jis taraf bhī jā.iye Thokar lage

is dayār-e-raushnī ne yuuñ kiyā hai ḳhīra-chashm

zindagī jaise yahāñ shab se bhī tīra-tar lage

rāste vīrān chehre faq laboñ par ḳhāmushī

dosto ye shahr bhī ab mujh ko apnā ghar lage

vaqt kā be-rahm sūraj kyoñ na ho zohra-gudāz

sub.h kī ThanDī havā bhī jab mujhe ḳhanjar lage

manzileñ aisī bhī aa.ī haiñ safar meñ zaat ke

phuul bhī zer-e-qadam aa.e to vo patthar lage

zaḳhm tanhā.ī kā 'shiblī' thā na kuchh kam jāñ-gudāz

aur is par ye huā ki pai-ba-pai nashtar lage

choT phulon ki chhaDi se bhi na kyon dil par lage

shahr mein har aadmi jab dard ka paikar lage

kar-gah-e-zindagi goya hai dasht-e-karbala

raste mein jis taraf bhi jaiye Thokar lage

is dayar-e-raushni ne yun kiya hai KHira-chashm

zindagi jaise yahan shab se bhi tira-tar lage

raste viran chehre faq labon par KHamushi

dosto ye shahr bhi ab mujh ko apna ghar lage

waqt ka be-rahm suraj kyon na ho zohra-gudaz

subh ki ThanDi hawa bhi jab mujhe KHanjar lage

manzilen aisi bhi aai hain safar mein zat ke

phul bhi zer-e-qadam aae to wo patthar lage

zaKHm tanhai ka 'shibli' tha na kuchh kam jaan-gudaz

aur is par ye hua ki pai-ba-pai nashtar lage