چبھیں گے خار تو رستوں پے چلنا چھوڑ دو گے کیا

چبھیں گے خار تو رستوں پے چلنا چھوڑ دو گے کیا

کہو منزل کو پانے کا ارادہ چھوڑ دو گے کیا

محبت کی ہے تو انجام تک پہنچا بھی دو اس کو

دل ناکام کو یوں ہی تڑپتا چھوڑ دو گے کیا

ہمیں بھی جانب منزل اسی رستے سے جانا ہے

ہمارے واسطے تھوڑا سا رستا چھوڑ دو گے کیا

ہزاروں حادثے ہوتے ہیں لوگوں روز سڑکوں پر

گھروں سے موت کے ڈر سے نکلنا چھوڑ دو گے کیا

اگر تم سے کہے کوئی کہ شعر و شاعری چھوڑو

اجےؔ تم میرؔ اور غالبؔ کو پڑھنا چھوڑ دو گے کیا