chyunTi se sikh lenge hunar uske baad kya

chyūñTī se siikh leñge hunar us ke baa'd kyā

jaatā rahegā hāthī kā Dar us ke baa'd kyā

laḌtā rahūñgā maut se maiñ tere vāste

jiinā tire liye hai magar us ke baa'd kyā

aa.e the mere dar pe du'ā māñgte hue

phalne lage haiñ sāhab-e-zar us ke baa'd kyā

din-rāt Tokne kā koī fā.eda nahīñ

kuchh din rahegā tum pe asar us ke baa'd kyā

dushvāriyoñ meñ DhūñD lī hai ziist kī kalīd

jaatā rahegā maut kā Dar us ke baa'd kyā

milte nahīñ haiñ ġham yūñhī ḳhairāt meñ kabhī

mil jaa.e muft meñ jo agar us ke baa'd kyā

chyunTi se sikh lenge hunar us ke ba'd kya

jata rahega hathi ka Dar us ke ba'd kya

laDta rahunga maut se main tere waste

jina tere liye hai magar us ke ba'd kya

aae the mere dar pe du'a mangte hue

phalne lage hain sahab-e-zar us ke ba'd kya

din-raat Tokne ka koi faeda nahin

kuchh din rahega tum pe asar us ke ba'd kya

dushwariyon mein DhunD li hai zist ki kalid

jata rahega maut ka Dar us ke ba'd kya

milte nahin hain gham yunhi KHairaat mein kabhi

mil jae muft mein jo agar us ke ba'd kya