dad lene ke liye ab ye hunar bhi chahiye
daad lene ke liye ab ye hunar bhī chāhiye
shā'irī ko āj-kal performer bhī chāhiye
lawn meñ halkī chahal-qadmī se kyā taskīn ho
paañv kī jaulāniyoñ ko ik safar bhī chāhiye
sachchī ḳhabroñ par kahāñ aḳhbār chaltā hai miyāñ
tazkaroñ ke vāste jhūTī ḳhabar bhī chāhiye
ham bhī sabza hī ugā leñge dar-o-dīvār par
haañ magar is ke liye ġhālib sā ghar bhī chāhiye
sirf abrū kī kaTārī se koī martā nahīñ
qatl karne ke liye tīr-e-nazar bhī chāhiye
dad lene ke liye ab ye hunar bhi chahiye
sha'iri ko aaj-kal performer bhi chahiye
lawn mein halki chahal-qadmi se kya taskin ho
panw ki jaulaniyon ko ek safar bhi chahiye
sachchi KHabron par kahan aKHbar chalta hai miyan
tazkaron ke waste jhuTi KHabar bhi chahiye
hum bhi sabza hi uga lenge dar-o-diwar par
han magar is ke liye ghaalib sa ghar bhi chahiye
sirf abru ki kaTari se koi marta nahin
qatl karne ke liye tir-e-nazar bhi chahiye
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
