dagh-e-dil se mah-o-KHurshid ko nisbat kya hai

dāġh-e-dil se mah-o-ḳhurshīd ko nisbat kyā hai

sāmne aa.eñ to khul jaa.e haqīqat kyā hai

jo samajhtā hī nahīñ ramz-e-mohabbat kyā hai

dil use dete haiñ apnī bhī tabī'at kyā hai

tere dīvāne ko fikr-e-ġham-e-rāhat kyā hai

vo samajhtā hī nahīñ dozaḳh-o-jannat kyā hai

ban ga.ī har rag-e-jāñ rishta-e-sham’-e-sozāñ

nāsehā pūchh na soz-e-tap-e-furqat kyā hai

mar chuke dafn hue miT gayā turbat kā nishāñ

ab unheñ qabr pe aane kī zarūrat kyā hai

jab nazar aatā hai har chiiz meñ jalva terā

phir maiñ kyoñ pūchhūñ ki kasrat meñ ye vahdat kyā hai

sar-ba-ḳham ho ga.e ham dekhte hī ai qātil

tirī talvār bhī mehrāb-e-‘ibādat kyā hai

kabhī kā'ba meñ kabhī dair meñ dekhā tujh ko

ye batā de mujhe 'rāfat' tirī hasrat kyā hai

dagh-e-dil se mah-o-KHurshid ko nisbat kya hai

samne aaen to khul jae haqiqat kya hai

jo samajhta hi nahin ramz-e-mohabbat kya hai

dil use dete hain apni bhi tabi'at kya hai

tere diwane ko fikr-e-gham-e-rahat kya hai

wo samajhta hi nahin dozaKH-o-jannat kya hai

ban gai har rag-e-jaan rishta-e-sham’-e-sozan

naseha puchh na soz-e-tap-e-furqat kya hai

mar chuke dafn hue miT gaya turbat ka nishan

ab unhen qabr pe aane ki zarurat kya hai

jab nazar aata hai har chiz mein jalwa tera

phir main kyon puchhun ki kasrat mein ye wahdat kya hai

sar-ba-KHam ho gae hum dekhte hi ai qatil

teri talwar bhi mehrab-e-‘ibaadat kya hai

kabhi ka'ba mein kabhi dair mein dekha tujh ko

ye bata de mujhe 'rafat' teri hasrat kya hai