dāġh-e-junūñ dimāġh-e-pareshāñ meñ rah gayā
dāman meñ ḳhaar chaak garebāñ meñ rah gayā
jab do qadam junūñ meñ mirā saath ho gayā
phailā ke paañv qais bayābāñ meñ rah gayā
abrū-e-yār se jo bahut munfa.il huā
muñh Daal kar hilāl garebāñ meñ rah gayā
taqlīd ban paḌī na tumhārī ḳhirām kī
tā.ūs laḌkhaḌā ke gulistāñ meñ rah gayā
aa.ī bahār aur na chhūTā maiñ ai junūñ
kaisā taḌap ke ḳhāna-e-zindāñ meñ rah gayā
tuuda qazā ne nāvak-e-jallād kā kiyā
maiñ Dher ho ke ganj-e-shahīdāñ meñ rah gayā
kyā hādisa paḌā mire yūsuf par ai 'sabā'
dil gir ke un kī chāh-e-zanaḳhdāñ meñ rah gayā
dagh-e-junun dimagh-e-pareshan mein rah gaya
daman mein KHar chaak gareban mein rah gaya
jab do qadam junun mein mera sath ho gaya
phaila ke panw qais bayaban mein rah gaya
abru-e-yar se jo bahut munfail hua
munh Dal kar hilal gareban mein rah gaya
taqlid ban paDi na tumhaari KHiram ki
taus laDkhaDa ke gulistan mein rah gaya
aai bahaar aur na chhuTa main ai junun
kaisa taDap ke KHana-e-zindan mein rah gaya
tuda qaza ne nawak-e-jallad ka kiya
main Dher ho ke ganj-e-shahidan mein rah gaya
kya hadisa paDa mere yusuf par ai 'saba'
dil gir ke un ki chah-e-zanaKHdan mein rah gaya
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
