dagh-ha-e-dil ki tabani gai

dāġh-hā-e-dil kī tābānī ga.ī

un ke jalvoñ kī farāvānī ga.ī

āshnā nā-āshnā se ho ga.e

apnī sūrat bhī na pahchānī ga.ī

ek dil meñ saikḌoñ ġham kā hujūm

phir bhī us ghar kī na vīrānī ga.ī

ab kahāñ vo jazba-e-mahr-o-vafā

aadmī se ḳhū-e-insānī ga.ī

aa.ine meñ vaqt ke ai ham-nafas

dostoñ kī shakl pahchānī ga.ī

rah ga.e hosh-o-ḳhirad ke falsafe

justujū tā-hadd-e-imkānī ga.ī

'mīr'-o-'ġhālib' 'vahshat'-o-'dāġh'-o-'jigar'

kyā ga.e 'āsī' ġhazal-ḳhvānī ga.ī

dagh-ha-e-dil ki tabani gai

un ke jalwon ki farawani gai

aashna na-ashna se ho gae

apni surat bhi na pahchani gai

ek dil mein saikDon gham ka hujum

phir bhi us ghar ki na virani gai

ab kahan wo jazba-e-mahr-o-wafa

aadmi se KHu-e-insani gai

aaine mein waqt ke ai ham-nafas

doston ki shakl pahchani gai

rah gae hosh-o-KHirad ke falsafe

justuju ta-hadd-e-imkani gai

'mir'-o-'ghaalib' 'wahshat'-o-'dagh'-o-'jigar'

kya gae 'asi' ghazal-KHwani gai