داغ وہ سارے دھو سکتا ہے
اب بھی میرا ہو سکتا ہے
شانے لگ کے ہنسنے والا
ہنستے ہنستے رو سکتا ہے
آنکھیں پڑھنے والا سب کی
سچ مچ پاگل ہو سکتا ہے
سب کے آنسو چننے والا
ندیوں ندیوں رو سکتا ہے
سینے لگ کے رہنے والا
آنکھ جھپکتے کھو سکتا ہے
دیکھ کے مجھ کو چہرہ پھیرے
ایسا کیسے ہو سکتا ہے
مرتے مرتے بچنے والا
جھیل کنارے سو سکتا ہے
چہرہ پھیر کے جانے والا
خود سے نالاں ہو سکتا ہے
پیار محبت کرنے والا
روح میں کانٹے بو سکتا ہے
سب سے ڈرنے والا اک دن
سچ میں باغی ہو سکتا ہے
چاند پہ جانے والا انساں
بیل دوبارہ جو سکتا ہے
نگری نگری پھرنے والا
تیرا مجنوں ہو سکتا ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
