dam sau rakhte hain lafzon mein suKHanwar mujhse

daam sau rakhte haiñ lafzoñ meñ suḳhanvar mujh se

baat kījegā zarā soch samajh kar mujh se

mujhe khaltī nahīñ tanhā.ī safar kī yuuñ bhī

guftugū karte haiñ sab raah ke patthar mujh se

vo jo haiñ lazzat-e-tafhīm-e-suḳhan se vāqif

she'r sunte haiñ vahī log mukarrar mujh se

mujh ko Dar thā ki kahīñ fāsle baḌh jaa.eñ magar

vo qarīb aa gayā kuchh aur simaT kar mujh se

vo jo bichhḌā hai suḳhan lauT ke kab aa.egā

pūchhte rahte haiñ ye shaam ke manzar mujh se

dam sau rakhte hain lafzon mein suKHanwar mujh se

baat kijega zara soch samajh kar mujh se

mujhe khalti nahin tanhai safar ki yun bhi

guftugu karte hain sab rah ke patthar mujh se

wo jo hain lazzat-e-tafhim-e-suKHan se waqif

she'r sunte hain wahi log mukarrar mujh se

mujh ko Dar tha ki kahin fasle baDh jaen magar

wo qarib aa gaya kuchh aur simaT kar mujh se

wo jo bichhDa hai suKHan lauT ke kab aaega

puchhte rahte hain ye sham ke manzar mujh se