daman-e-chaak ko sine ka hunar rakhte hain

dāman-e-chāk ko siine kā hunar rakhte haiñ

haiñ jo ḳhāmosh qarīne kā hunar rakhte haiñ

garche ḳhālī hai tirī bazm meñ apnā ye ayāġh

ham magar aañkh se piine kā hunar rakhte haiñ

āsmānoñ se hamārī to kabhī ban na sakī

har sitam-zār meñ jiine kā hunar rakhte haiñ

thī amāvas kī ghanī raat magar āñkhoñ meñ

ashk-e-ḳhūñ apne nagīne kā hunar rakhte haiñ

soch kī lambī masāfat meñ Thahar kar ik pal

ḳhvāb jaise mai-o-mīne kā hunar rakhte haiñ

ik samundar ki jo gahrā hai abad kī mānind

dil ke sab raaz dafīne kā hunar rakhte haiñ

daman-e-chaak ko sine ka hunar rakhte hain

hain jo KHamosh qarine ka hunar rakhte hain

garche KHali hai teri bazm mein apna ye ayagh

hum magar aankh se pine ka hunar rakhte hain

aasmanon se hamari to kabhi ban na saki

har sitam-zar mein jine ka hunar rakhte hain

thi amawas ki ghani raat magar aankhon mein

ashk-e-KHun apne nagine ka hunar rakhte hain

soch ki lambi masafat mein Thahar kar ek pal

KHwab jaise mai-o-mine ka hunar rakhte hain

ek samundar ki jo gahra hai abad ki manind

dil ke sab raaz dafine ka hunar rakhte hain