daman-e-zabt ko ashkon mein bhigo leta hun
dāman-e-zabt ko ashkoñ meñ bhigo letā huuñ
dard jab had se guzartā hai to ro letā huuñ
aañkh lagtī hī nahīñ niiñd kahāñ se aa.e
niiñd aatī nahīñ kahne ko to so letā huuñ
jab nahīñ miltā anīs-e-ġham-e-furqat koī
rakh ke tasvīr tirī sāmne ro letā huuñ
ab tirī yaad hī taskīn-e-dil-o-jāñ hai mujhe
ab tire dard ke bistar pe bhī so letā huuñ
jab bhī mil jaatī hai fursat ġham-e-duniyā se 'shakeb'
yaad kar ke unheñ tanhā.ī meñ ro letā huuñ
daman-e-zabt ko ashkon mein bhigo leta hun
dard jab had se guzarta hai to ro leta hun
aankh lagti hi nahin nind kahan se aae
nind aati nahin kahne ko to so leta hun
jab nahin milta anis-e-gham-e-furqat koi
rakh ke taswir teri samne ro leta hun
ab teri yaad hi taskin-e-dil-o-jaan hai mujhe
ab tere dard ke bistar pe bhi so leta hun
jab bhi mil jati hai fursat gham-e-duniya se 'shakeb'
yaad kar ke unhen tanhai mein ro leta hun
- Book : Patta Patta Boota Boota (Pg. 106)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
