daman-e-zist gham se bhar Dala

dāman-e-zīst ġham se bhar Daalā

bevafā tujh se pyaar kar Daalā

itnā ehsās ban chukā huuñ maiñ

apnā ehsās qatl kar Daalā

ham ne maazī se rābta karke

apne zaḳhmoñ ko aaj bhar Daalā

jis kī ḳhātir hue haiñ ham rusvā

vo bhī ahd-e-vafā makr Daalā

us ko manzil to baḳhsh dī mālik

mere hisse meñ kyoñ safar Daalā

sab ko tujh se atā huī ne.amat

merī duniyā meñ bas safar Daalā

dil to pahle hī luT gayā 'kāshif'

apnī ġhazloñ meñ phir jigar Daalā

daman-e-zist gham se bhar Dala

bewafa tujh se pyar kar Dala

itna ehsas ban chuka hun main

apna ehsas qatl kar Dala

hum ne mazi se rabta karke

apne zaKHmon ko aaj bhar Dala

jis ki KHatir hue hain hum ruswa

wo bhi ahd-e-wafa makr Dala

us ko manzil to baKHsh di malik

mere hisse mein kyon safar Dala

sab ko tujh se ata hui neamat

meri duniya mein bas safar Dala

dil to pahle hi luT gaya 'kashif'

apni ghazlon mein phir jigar Dala