daman lahu-lahu hai gareban lahu-lahu

dāman lahū-lahū hai garebāñ lahū-lahū

haiñ kushtagān-e-fasl-e-bahārāñ lahū-lahū

shāyad guzar chukī hai asīroñ kī jaan par

zanjīr hai ḳhamosh to zindāñ lahū-lahū

go ho chukā vajūd patañgoñ kā be-nishāñ

hai dāman-e-charāġh-e-shabistāñ lahū-lahū

kis kārvān-e-ābla-pā kā guzar huā

hai dasht ḳhūn-ḳhūn bayābāñ lahū-lahū

ḳhanjar-fashāñ hai kis kī ḳhudā.ī chahār samt

har gaam par hai azmat-e-insāñ lahū-lahū

āñchal hai surḳh ḳhuuñ se urūs-e-bahār kā

gulchīñ ke jaur se hai gulistāñ lahū-lahū

jaulāñ faqat ragoñ meñ 'mubārak' lahū nahīñ

hai qalb-tā-ba-dīda-e-giryāñ lahū-lahū

daman lahu-lahu hai gareban lahu-lahu

hain kushtagan-e-fasl-e-bahaaran lahu-lahu

shayad guzar chuki hai asiron ki jaan par

zanjir hai KHamosh to zindan lahu-lahu

go ho chuka wajud patangon ka be-nishan

hai daman-e-charagh-e-shabistan lahu-lahu

kis karwan-e-abla-pa ka guzar hua

hai dasht KHun-KHun bayaban lahu-lahu

KHanjar-fashan hai kis ki KHudai chahaar samt

har gam par hai azmat-e-insan lahu-lahu

aanchal hai surKH KHun se urus-e-bahaar ka

gulchin ke jaur se hai gulistan lahu-lahu

jaulan faqat ragon mein 'mubarak' lahu nahin

hai qalb-ta-ba-dida-e-giryan lahu-lahu