daman pe rang-e-lala-o-gul aana chahiye

dāman pe rang-e-lāla-o-gul aanā chāhiye

dil ḳhuun ho ke āñkhoñ se bah jaanā chāhiye

mere sukūt hī kā sahī zikr kū-ba-kū

logoñ ko ek shaġhl ik afsāna chāhiye

aa.e vo aarzū ho jise diid kī magar

mahfil meñ us kī jaan kā nazrāna chāhiye

ab ban gayā hai dard hī vaj.h-e-sukūn-e-dil

ab mujh ko dard-e-dil kā mudāvā na chāhiye

phir dil ko hai usī ḳhalish-e-tīr kī talab

phir vo nigāh-e-nargis-e-mastāna chāhiye

'qāsid' safar kā azm hī jab tum ne kar liyā

phir hādsāt-e-rah se na ghabrānā chāhiye

daman pe rang-e-lala-o-gul aana chahiye

dil KHun ho ke aankhon se bah jaana chahiye

mere sukut hi ka sahi zikr ku-ba-ku

logon ko ek shaghl ek afsana chahiye

aae wo aarzu ho jise did ki magar

mahfil mein us ki jaan ka nazrana chahiye

ab ban gaya hai dard hi wajh-e-sukun-e-dil

ab mujh ko dard-e-dil ka mudawa na chahiye

phir dil ko hai usi KHalish-e-tir ki talab

phir wo nigah-e-nargis-e-mastana chahiye

'qasid' safar ka azm hi jab tum ne kar liya

phir hadsat-e-rah se na ghabrana chahiye