dane ke baad kuchh nahin dam ke baad kuchh nahin

daane ke baa'd kuchh nahīñ daam ke baa'd kuchh nahīñ

sub.h ke baa'd shaam hai shaam ke baa'd kuchh nahīñ

ḳhvāb kā āḳhirī ḳhumār aañkh meñ hai kuchh intizār

niiñd zarā sā kaam hai kaam ke baa'd kuchh nahīñ

ḳhāk-e-ḳharāb huuñ zamīñ tū mirā mājrā na sun

naqsh ke baa'd naam thā naam ke baa'd kuchh nahīñ

shahr kī had bhī maap lī shaam bhī dil pe chhāp lī

ek charāġh aur ek baam ke baa'd kuchh nahīñ

vasl gayā to hijr thā hijr gayā to kuchh na thā

ḳhaas ke baa'd aam hoñ aam ke baa'd kuchh nahīñ

jism kā nashsha pī chuke apnī taraf se jī chuke

chaliye ki jaam ulaT chukā jaam ke baa'd kuchh nahīñ

dane ke ba'd kuchh nahin dam ke ba'd kuchh nahin

subh ke ba'd sham hai sham ke ba'd kuchh nahin

KHwab ka aaKHiri KHumar aankh mein hai kuchh intizar

nind zara sa kaam hai kaam ke ba'd kuchh nahin

KHak-e-KHarab hun zamin tu mera majra na sun

naqsh ke ba'd nam tha nam ke ba'd kuchh nahin

shahr ki had bhi map li sham bhi dil pe chhap li

ek charagh aur ek baam ke ba'd kuchh nahin

wasl gaya to hijr tha hijr gaya to kuchh na tha

KHas ke ba'd aam hon aam ke ba'd kuchh nahin

jism ka nashsha pi chuke apni taraf se ji chuke

chaliye ki jam ulaT chuka jam ke ba'd kuchh nahin