dastan-e-gardish-e-ayyam likhta jaunga

dāstān-e-gardish-e-ayyām likhtā jā.uñgā

maiñ muarriḳh huuñ tirā anjām likhtā jā.uñgā

rah na jaa.e suunā suunā terī hastī kā varaq

ḳhūb-sūrat sā koī ilzām likhtā jā.uñgā

is sadī ne jis qadar ranj-o-ġham baḳhshe mujhe

bas usī kī dāstāñ har gaam likhtā jā.uñgā

rañg-birañgī titliyoñ aur jugnuoñ ke vāste

dukh achhūte kuchh nirāle kaam likhtā jā.uñgā

har jagah phailā.ī hai maiñ ne qalam kī raushnī

jis taraf jā.ūñgā ik paiġhām likhtā jā.uñgā

kyoñ 'azāb-e-jāñ ise duniyā samajhtī hai 'adīm'

zaḳhm gahre hī sahī in'ām likhtā jā.uñgā

dastan-e-gardish-e-ayyam likhta jaunga

main muarriKH hun tera anjam likhta jaunga

rah na jae suna suna teri hasti ka waraq

KHub-surat sa koi ilzam likhta jaunga

is sadi ne jis qadar ranj-o-gham baKHshe mujhe

bas usi ki dastan har gam likhta jaunga

rang-birangi titliyon aur jugnuon ke waste

dukh achhute kuchh nirale kaam likhta jaunga

har jagah phailai hai main ne qalam ki raushni

jis taraf jaunga ek paigham likhta jaunga

kyon 'azab-e-jaan ise duniya samajhti hai 'adim'

zaKHm gahre hi sahi in'am likhta jaunga