داستان شباب کیا کہئے
داستان شباب کیا کہئے
نت نیا انقلاب کیا کہئے
جو نظر ہی نظر میں ہوتے ہیں
وہ سوال و جواب کیا کہئے
اک نفس ضبط اک نفس فریاد
زندگی کا حساب کیا کہئے
دیکھتے بھی ہیں دیکھتے بھی نہیں
اس ادا کا جواب کیا کہئے
رنگ رخ اور بھی چمک اٹھا
ان کی شان عتاب کیا کہئے
آج کل میں گزر گئے برسوں
آج کل کا حساب کیا کہئے
ان پہ آخر نگاہ جا ٹھہری
ہائے یہ انتخاب کیا کہئے
زندگی اور عاشقی بیدارؔ
یہ دوگونہ عذاب کیا کہئے
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
