dastan ishq ki anjam tak aa pahunchi hai

dāstāñ ishq kī anjām tak aa pahuñchī hai

baat ab hasrat-e-nākām tak aa pahuñchī hai

jaane kyā haal ho rindān-e-balā-nosh kā ab

mai-kashī durd-e-tah-e-jām tak aa pahuñchī hai

baat phailī hai tire zulm kī shahroñ shahroñ

dāstāñ terī mire naam tak aa pahuñchī hai

jaane kis raah se laayā hai mujhe zauq-e-talab

justujū gardish-e-ayyām tak aa pahuñchī

ik na.ī sub.h kā bhī zikr hai aane vaalā

guftugū vaqt kī ab shaam tak aa pahuñchī hai

shikva-e-tishna-labī ḳhair ho maiḳhāne kī

bhiiḌ ab sāqī-e-gulfām tak aa pahuñchī hai

sochte kyā ho umar aa ke qarīb-e-manzil

baat ab jur.at-e-do-gām tak aa pahuñchī he

dastan ishq ki anjam tak aa pahunchi hai

baat ab hasrat-e-nakaam tak aa pahunchi hai

jaane kya haal ho rindan-e-bala-nosh ka ab

mai-kashi durd-e-tah-e-jam tak aa pahunchi hai

baat phaili hai tere zulm ki shahron shahron

dastan teri mere nam tak aa pahunchi hai

jaane kis rah se laya hai mujhe zauq-e-talab

justuju gardish-e-ayyam tak aa pahunchi

ek nai subh ka bhi zikr hai aane wala

guftugu waqt ki ab sham tak aa pahunchi hai

shikwa-e-tishna-labi KHair ho maiKHane ki

bhiD ab saqi-e-gulfam tak aa pahunchi hai

sochte kya ho umar aa ke qarib-e-manzil

baat ab jurat-e-do-gam tak aa pahunchi he