dastan ke ruKH-numa abwab chori ho gae

dāstāñ ke ruḳh-numā abvāb chorī ho ga.e

luT ga.e auqāf sab e'rāb chorī ho ga.e

be-ġharaz jaañ nazr karne kī rivāyat piT chukī

'ishq ke darbār ke ādāb chorī ho ga.e

the girah meñ kuchh natīje kuchh adhūre tajrabe

illateñ ġhārat huiiñ asbāb chorī ho ga.e

bhaap ban kar uḌ ga.e yā ho ga.e gum ret meñ

band bāñdhe rah ga.e daryāb chorī ho ga.e

karnī-bharnī ik taraf kaisā hisāb-o-ehtisāb

saare inkār aur sab ījāb chorī ho ga.e

ham-ināñ ke zehnī izmehlāl kā kyā pūchhnā

mere apne āhanī ā'sāb chorī ho ga.e

marhala ḳhud-āshnā.ī kā abhī aayā na thā

naam 'yāsir' miT ga.e alqāb chorī ho ga.e

dastan ke ruKH-numa abwab chori ho gae

luT gae auqaf sab e'rab chori ho gae

be-gharaz jaan nazr karne ki riwayat piT chuki

'ishq ke darbar ke aadab chori ho gae

the girah mein kuchh natije kuchh adhure tajrabe

illaten ghaarat huin asbab chori ho gae

bhap ban kar uD gae ya ho gae gum ret mein

band bandhe rah gae daryab chori ho gae

karni-bharni ek taraf kaisa hisab-o-ehtisab

sare inkar aur sab ijab chori ho gae

ham-inan ke zehni izmehlal ka kya puchhna

mere apne aahani aa'sab chori ho gae

marhala KHud-ashnai ka abhi aaya na tha

nam 'yasir' miT gae alqab chori ho gae