dastan wasl ki ek baat se aage na baDhi

dāstāñ vasl kī ik baat se aage na baḌhī

aap kī shikva-shikāyat se aage na baḌhī

laakh rotī rahī jaltī rahī afsos magar

zindagī sham.a kī ik raat se aage na baḌhī

tū jafā-kesh rahā aur meñ vafā-kosh rahā

baat terī bhī mirī baat se aage na baḌhī

yuuñ to āġhāz-e-mohabbat meñ baḌe da.ave the

dostī pahlī mulāqāt se aage na baḌhī

mil ga.e jab vahī shikve vahī qisse 'as.ad'

ye ḳhurāfāt ḳhurāfāt se aage na baḌhī

dastan wasl ki ek baat se aage na baDhi

aap ki shikwa-shikayat se aage na baDhi

lakh roti rahi jalti rahi afsos magar

zindagi shama ki ek raat se aage na baDhi

tu jafa-kesh raha aur mein wafa-kosh raha

baat teri bhi meri baat se aage na baDhi

yun to aaghaz-e-mohabbat mein baDe dawe the

dosti pahli mulaqat se aage na baDhi

mil gae jab wahi shikwe wahi qisse 'asad'

ye KHurafat KHurafat se aage na baDhi