dagha fareb jafa aur gham-e-judai mili

daġhā fareb jafā aur ġham-e-judā.ī milī

qadam qadam pe mujhe us se bevafā.ī milī

vo kah rahā thā mukammal vafā kā paikar huuñ

ka.ī hasīnoñ se to us kī āshnā.ī milī

ba-qaul us ke murassā ġhazal kā shā.ir hai

ġhazal kī aas thī us se magar rubā.ī milī

vo kah rahā thā ki ḳhūn-e-jigar se likhtā huuñ

parakh kiyā to lahū-rang raushnā.ī milī

maiñ zindagī ko samajhtī thī an-chhuī hai ye

magar ye ishq ke hāthoñ bahut satā.ī milī

mirī ġhazal meñ mukammal vo aa gayā to lagā

mire qalam ko mire fikr kī kamā.ī milī

dagha fareb jafa aur gham-e-judai mili

qadam qadam pe mujhe us se bewafai mili

wo kah raha tha mukammal wafa ka paikar hun

kai hasinon se to us ki aashnai mili

ba-qaul us ke murassa ghazal ka shair hai

ghazal ki aas thi us se magar rubai mili

wo kah raha tha ki KHun-e-jigar se likhta hun

parakh kiya to lahu-rang raushnai mili

main zindagi ko samajhti thi an-chhui hai ye

magar ye ishq ke hathon bahut satai mili

meri ghazal mein mukammal wo aa gaya to laga

mere qalam ko mere fikr ki kamai mili