dagha fareb sitam qatl-e-‘am kya-kya hai
daġhā fareb sitam qatl-e-‘ām kyā-kyā hai
amīr-e-shahr batā terā kaam kyā-kyā hai
adab tamīz mohabbat ḳhulūs kī bāteñ
tumhārī bazm meñ āḳhir harām kyā-kyā hai
ye chakla-ghar bhī ye maiḳhāne bhī ḳhusūsī haiñ
tumhāre shahr meñ bāzār-e-'ām kyā-kyā hai
ġharībī fāqa-kashī dard aur majbūrī
zindagī ye to batā terā naam kyā-kyā hai
nasīb sab kā batāte ho kuchh batāo mujhe
mire nasīb meñ is sub.h-o-shām kyā-kyā hai
dagha fareb sitam qatl-e-‘am kya-kya hai
amir-e-shahr bata tera kaam kya-kya hai
adab tamiz mohabbat KHulus ki baaten
tumhaari bazm mein aaKHir haram kya-kya hai
ye chakla-ghar bhi ye maiKHane bhi KHususi hain
tumhaare shahr mein bazar-e-'am kya-kya hai
gharibi faqa-kashi dard aur majburi
zindagi ye to bata tera nam kya-kya hai
nasib sab ka batate ho kuchh batao mujhe
mere nasib mein is subh-o-sham kya-kya hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
