dair-o-haram ke bich agar mai-kada na ho

dair-o-haram ke biich agar mai-kada na ho

insāniyat ke naam kā raushan diyā na ho

ik ek harf sher kā gar boltā na ho

duniyā-e-shā.irī meñ koī mo.ajiza na ho

ta.amīr-e-qasr-e-dil ho ki tasḳhīr-e-kā.enāt

himmat se kaam lo to koī kaam kyā na ho

vo but-parast ho ki musalmān sach batā

aisā bhī koī hai jo tujhe chāhtā na ho

mujh ko atā vo zor-e-qalam ho ki ai ḳhudā

aisā adab likhūñ jo kisī ne likhā na ho

vo is liye hijāb meñ rahte haiñ rāt-din

be-pardagī se fitna-e-mahshar bapā na ho

mansūb tere naam se jo shahr hai 'niyāz'

aisā na ho ki vo bhī tujhe jāntā na ho

dair-o-haram ke bich agar mai-kada na ho

insaniyat ke nam ka raushan diya na ho

ek ek harf sher ka gar bolta na ho

duniya-e-shairi mein koi moajiza na ho

tamir-e-qasr-e-dil ho ki tasKHir-e-kaenat

himmat se kaam lo to koi kaam kya na ho

wo but-parast ho ki musalman sach bata

aisa bhi koi hai jo tujhe chahta na ho

mujh ko ata wo zor-e-qalam ho ki ai KHuda

aisa adab likhun jo kisi ne likha na ho

wo is liye hijab mein rahte hain raat-din

be-pardagi se fitna-e-mahshar bapa na ho

mansub tere nam se jo shahr hai 'niyaz'

aisa na ho ki wo bhi tujhe jaanta na ho